ഏകദേശം 15 വർഷത്തെ ഇടവേളയ്ക്ക് ശേഷം ഇന്ത്യൻ ക്രിക്കറ്റ് താരം വിരാട് കോഹ്ലി വീണ്ടും വിജയ് ഹസാരെ ട്രോഫി കളിക്കളത്തിലേക്ക് തിരിച്ചെത്തുകയാണ്. ടി20യിൽ നിന്നും ടെസ്റ്റ് ക്രിക്കറ്റിൽ നിന്നും വിരമിച്ച മുൻ ഇന്ത്യൻ താരത്തിന് ന്യൂസിലാൻഡിനെതിരായ ഏകദിന പരമ്പരയ്ക്കായി ഒരുങ്ങാൻ ഈ ടൂർണമെന്റിൽ സാധിക്കും. ഡൽഹിക്ക് വേണ്ടി കളിക്കുന്ന വിരാട് ആന്ധ്രയെയാണ് നേരിടുക.
മത്സരത്തിൽ അപൂർവ നേട്ടമാണ് കോഹ്ലിയെ കാത്തിരിക്കുന്നത്. ലിസ്റ്റ് എ ക്രിക്കറ്റിൽ 16,000 റൺസ് തികയ്ക്കാൻ ഒരു റൺ മാത്രം അകലെയാണ് വിരാട് കോഹ്ലി. ഇതിഹാസ താരം സച്ചിൻ ടെണ്ടുൽക്കറിന് ശേഷം ഈ നേട്ടം കൈവരിക്കുന്ന രണ്ടാമത്തെ ഇന്ത്യൻ ബാറ്ററായി അദ്ദേഹം മാറും. 342 ലിസ്റ്റ് എ മത്സരങ്ങളിൽ നിന്ന് ഇന്നുവരെ 57.34 ശരാശരിയിൽ 15,999 റൺസ് വിരാട് നേടിയിട്ടുണ്ട്. ആഭ്യന്തര 50 ഓവർ ഫോർമാറ്റിൽ 57 സെഞ്ച്വറികളും 84 അർദ്ധ സെഞ്ച്വറികളും അദ്ദേഹത്തിന്റെ പേരിലുണ്ട്.
Content Highlights: Vijay Hazare: needs just one run, Virat Kohli set to achieve major record in domestic cricket